बैतडी । लगातारको वर्षापछि पहिरो जाँदा अवरुद्ध भएको सडक समयमै नखुलाइएकामा आक्रोशित स्थानीयवासीहरूले पुर्चौंडी नगरपालिका–१० को वडा कार्यालयमा तालाबन्दी गरेका छन्।
विजयपुर–दोगडाकेदार हुँदै जिल्ला सदरमुकाम जोड्ने प्रमुख सडकखण्डको भङाड बस्ती नजिक पहिरो जाँदा छवटा घर प्रत्यक्ष जोखिममा परेपछि स्थानीयले तत्काल पहिरो पन्छाउन माग गर्दै वडा कार्यालयमा तालाबन्दी गरेका हुन्।
स्थानीयका अनुसार पहिरो गएको १३ दिन बितिसक्दासमेत कुनै राहत वा उद्धारको प्रयास नभएको भन्दै स्थानीयवासीहरूले बाध्य भएर ताला लगाएका हुन्।
“सडक अवरुद्ध हुँदा आवतजावत ठप्प छ, घरहरू जोखिममा छन्, तर कसैले चासो देखाएको छैन,” उनले गुनासो गरे।
यसबीच, वडाध्यक्ष हिक्मतबहादुर बिष्टले भने सडक खुलाउने काममा ढिलाइ हुनुको कारण प्राविधिक समस्या भएको बताए।
प्रकाशित मिति: १३ श्रावण २०८२, मंगलबार
प्रतिक्रिया