काठमाडाैं । नेकपा (एमाले)का अध्यक्ष तथा प्रधानमन्त्री केपी शर्मा ओलीले पार्टीको कार्यवाहक अध्यक्षको जिम्मेवारी वरिष्ठ उपाध्यक्ष ईश्वर पोखरेललाई सुम्पिएका छन्।
प्रधानमन्त्री ओली भूपरिवेष्ठित विकासशील राष्ट्रहरू (एलएलडिसी)को तेस्रो संयुक्त राष्ट्रसंघीय सम्मेलनमा सहभागी हुन तुर्कमेनिस्तान प्रस्थान गरेपछि उक्त जिम्मेवारी पोखरेललाई दिइएको हो। एमाले प्रचार विभाग प्रमुख राजेन्द्र गौतमका अनुसार, ओलीको अनुपस्थितिमा पार्टीको नेतृत्वको जिम्मा पोखरेलले सम्हाल्ने छन्।
गौतमका अनुसार एमालेको संशोधित विधान २०७८ को धारा २१ को उपधारा (२) मा अध्यक्ष अनुपस्थित हुँदा वरिष्ठ उपाध्यक्षले कार्यवाहक अध्यक्षको भूमिका निर्वाह गर्ने स्पष्ट व्यवस्था गरिएको छ।
प्रधानमन्त्री ओली साउन २३ गते, शुक्रबार राति स्वदेश फर्किने कार्यक्रम रहेको एमालेले जनाएको छ।
प्रकाशित मिति: १९ श्रावण २०८२, सोमबार
प्रतिक्रिया