काठमाडौं । जल तथा मौसम विज्ञान विभागले बुधबार, साउन २१ गतेका लागि कोशी र सुदूरपश्चिम प्रदेशका केही स्थानमा भारी वर्षाको सम्भावना रहेको जनाएको छ। विभागले सार्वजनिक गरेको मौसम पूर्वानुमान अनुसार ती प्रदेशका एक–दुई स्थानमा भारी वर्षा हुन सक्ने भएकाले नागरिकलाई सतर्कता अपनाउन आग्रह गरिएको छ।
विभागका अनुसार दिउँसो कोशी प्रदेशको पहाडी भू-भागका केही स्थानमा मध्यम वर्षा र एक–दुई स्थानमा भारी वर्षा हुनसक्ने अनुमान छ। सुदूरपश्चिम प्रदेशमा पनि यस्तै प्रकृतिको वर्षा हुने सम्भावना छ। त्यस्तै, मधेश, बागमती, गण्डकी, लुम्बिनी र कर्णाली प्रदेशमा केही स्थानमा मध्यम वर्षा हुन सक्ने जनाइएको छ।
रातिको समयमा कोशी, सुदूरपश्चिम, बागमती, गण्डकी र लुम्बिनी प्रदेशका पहाडी तथा तराई भू-भागका थोरै स्थानहरूमा मध्यम वर्षाको सम्भावना रहेको छ। मधेश र कर्णाली प्रदेशमा पनि केही स्थानमा वर्षा हुने पूर्वानुमान गरिएको छ।
विभागले सम्भावित बाढी, पहिरो तथा जलस्रोतमा पानीको बहाव बढ्न सक्ने भएकाले सावधानी अपनाउन अनुरोध गरेको छ।
स्रोत: जल तथा मौसम विज्ञान विभाग
प्रकाशित मिति: २१ श्रावण २०८२, बुधबार
प्रतिक्रिया