काठमाडौं । पूर्व उपप्रधान तथा गृह मन्त्री प्रकाश चन्द्र लोहनीले राष्ट्रिय स्वतन्त्र पार्टीका सभापति रवि लामिछानेलाई थुनामा राख्ने क्रममा सरकारले गरेको व्यवहार निन्दनीय भएको टिप्पणी गरेका छन्।
लोहनीका अनुसार देशको चौथो ठूलो दलका नेता तथा भारी मतले निर्वाचित प्रतिनिधिसँग राज्यले गरेको क्रूर व्यवहारले अन्य सर्वसाधारण थुनुवाको अवस्था झन् दयनीय हुने संकेत दिएको छ।
उनले आरोप लगाएका छन् कि अदालतको आडमा लामिछानेमाथि राजनीतिक प्रतिशोध साध्ने प्रयास भइरहेको स्पष्ट देखिएको छ। “काँचको घरभित्र बस्नेले अरूलाई ढुंगा हान्दा त्यसको असर आफैँमा पर्न सक्छ,” लोहनीले चेतावनी दिएका छन्।
प्रकाशित मिति: २४ श्रावण २०८२, शनिबार
प्रतिक्रिया