मोरङ । नेपाली राष्ट्रिय क्रिकेट टोलीका सदस्य ललित राजवंशीलाई मातृशोक परेको छ।
जिल्ला क्रिकेट संघ मोरङका अध्यक्ष मोहम्मद साद बाबु कुरैसीका अनुसार विराटनगर–१४ जतुवास्थित आफ्नै घरमा ललितकी आमा शुभकुमारी राजवंशीको निधन भएको छ।
६० वर्षीया शुभकुमारी राजवंशी लामो समयदेखि दम र फोक्सोको समस्याबाट पीडित थिइन्। उपचारका कारण पनि उनी सक्रिय रुपमा दैनिकीमा रहेका छिन् भनी छिमेकी राजकुमार विश्वासले जानकारी दिए।
विश्वासका अनुसार मृतकको अन्त्येष्टि विधिपूर्वक उनको घरबाट करिब १५ मिनेटको दुरीमा रहेको सिंघिया खोलामा गरिनेछ। यो कार्यका लागि ललित राजवंशी पनि घरमा फर्किसकेका छन्।
विश्वासले भने, “शनिबार राति घरमा खाना खाएर औषधि लिएर सुत्नुभएको थियो। तर आइतबार बिहान छोरी सुमनले उठाउन जाँदा मात्र उनको मृत्यु थाहा भयो। त्यसपछि परिवारका सदस्यलाई खबर गरियो।”
परिवारमा शुभकुमारीका ६३ वर्षीय श्रीमान् जयनारायण राजवंशी, जेठो छोरा युगलकिशोर राजवंशी, माइलो छोरा रामकिशोर राजवंशी र छोरी सुमन राजवंशी रहेका छन्।
प्रकाशित मिति: २५ श्रावण २०८२, आइतबार
प्रतिक्रिया