काठमाडौं । आगामी अन्तिम साउने सोमबारलाई लक्षित गर्दै काठमाडौं प्रहरीले पशुपति क्षेत्रमा विशेष अपरेशन सञ्चालन गरी ४० भन्दा बढी शंकास्पद व्यक्तिलाई नियन्त्रणमा लिएको छ।
जिल्ला प्रहरी परिसर काठमाडौंका एसपी कुलदिप चन्दका अनुसार आइतबार साँझ साढे ५ बजेसम्म ४२ जनालाई पक्राउ गरिसकिएको छ, र यो संख्या अझ बढ्न सक्ने छ।
‘दर्शनार्थीको भीडमा पाकेटमारी वा आपराधिक गतिविधि हुनसक्ने आशंकामा ती व्यक्तिहरूलाई नियन्त्रणमा लिएका हौं,’ एसपी चन्दले बताए।
प्रहरीका अनुसार साउने सोमबारमा पशुपति क्षेत्रमा ठूलो भीड लाग्ने भएकाले विगतमा यस्ता समयमा पाकेटमारीका घटना दोहोरिने गरेका छन्। भीड व्यवस्थापन र अपराध नियन्त्रणका लागि प्रहरीले थप निगरानी बढाएको छ।
प्रकाशित मिति: २५ श्रावण २०८२, आइतबार
प्रतिक्रिया