काठमाडौं । कैलाली कारागारमा शुक्रबार राति भएका झडपमा एक कैदीको मृत्यु भएको घटनाका सम्बन्धमा प्रतिनिधि सभाको कानुन, न्याय तथा मानव अधिकार समितिले गृहमन्त्री रमेश लेखकलाई सोधपुछका लागि बोलाएको छ।
बुधबार बिहान १० बजे बस्ने सो समितिको बैठकमा गृहमन्त्री लेखकलाई उपस्थित हुन आग्रह गरिएको छ। कैलाली कारागारमा कैदीबन्दी दुई समूहबीच भएको झडपमा भरत चौधरीको मृत्यु हुनुका साथै ४८ जना घाइते भएका थिए।
सिंहदरबारस्थित समितिको सचिवालयमा बस्ने बैठकमा मिति २०८२ साउन २३ मा कैलाली कारागारमा भएको घटनाको कारण, त्यसले पार्ने प्रभाव तथा समस्या समाधानका सम्भावित उपायहरूबारे छलफल हुने कार्यक्रम छ। बैठकमा गृहमन्त्रीलाई समेत उपस्थित गराइ घटनाको विस्तृत अध्ययन र आवश्यक कदमहरू बारे छलफल गरिनेछ।
प्रकाशित मिति: २७ श्रावण २०८२, मंगलबार
प्रतिक्रिया