मौसम पुर्वानुमान: कस्तो रहन्छ आजको मौसम

काठमाडौं । हाल मनसुनको न्यूनचापीय रेखा तराई आसपास छ। जल तथा मौसम विज्ञान विभाग पूर्वानुमान महाशाखाका अनुसार बुधबार दिउँसो देशभर पूर्णतया बदली हुनेछ ।

देशका अधिकांश स्थानमा मध्यम वर्षाको सम्भावना छ भने मधेश प्रदेशलगायत कोशी, बाग्मती, गण्डकी, लुम्बिनी र सुदूरपश्चिम प्रदेशका केही स्थानमा भारी वर्षा र एकदुई स्थानमा मुसलधारे वर्षाको पनि सम्भावना छ। कर्णाली प्रदेशका एकदुई स्थानमा भारी वर्षाको सम्भावना  छ।

महाशाखाका अनुसार राति गण्डकी, लुम्बिनी, कर्णाली र सुदूरपश्चिम प्रदेशका पहाडी भागमा पूर्णतया बदली रही बाँकी भागमा साधारणतया बदली रहनेछ। गण्डकी र कर्णाली प्रदेशका पहाडी तथा लुम्बिनी र सुदूरपश्चिम प्रदेशका पहाडी तथा तराई भागका धेरै स्थानमा मध्यम वर्षाको सम्भावना छ।

सुदूरपश्चिम प्रदेशका पहाडी र तराईका केही स्थानमा अत्यधिक वर्षाको सम्भावना छ । लुम्बिनी प्रदेशका तराईका केही  स्थान, गण्डकी  र कर्णाली प्रदेशका पहाडी भागका एकदुई स्थानमा भारी वर्षाको सम्भावना रहेको महाशाखाले जनाएको छ।

प्रकाशित मिति: २८ श्रावण २०८२, बुधबार