काठमाडौं । राष्ट्रिय प्रजातन्त्र पार्टी (राप्रपा)को भ्रातृ संस्था, राष्ट्रिय प्रजातान्त्रिक युवा संगठन काठमाडौं जिल्ला अधिवेशन विवादका कारण स्थगित भएको छ।
धुम्बाराहीस्थित एक पार्टी प्यालेसमा कार्यक्रम उद्घाटन हुन लाग्दा अध्यक्ष राजेन्द्र लिङ्देन र महामन्त्री धवल शम्शेर राणा पक्षधर युवाबीच विवाद भयो र हात हालाहालसमेत भएको थियो। उक्त कार्यक्रममा अध्यक्ष लिङ्देन पनि उपस्थित थिए।
अध्यक्ष लिङ्देनले भने, “यस्तो अव्यवस्थित र हुलदंगा हुने अवस्थामा अधिवेशन सञ्चालन गर्न सकिँदैन। हुलदंगा पार्टीले स्वीकार्य होइन।”
अधिवेशनस्थलमा ठूलो संख्यामा प्रहरी परिचालन गरिएको थियो।
प्रकाशित मिति: २८ श्रावण २०८२, बुधबार
प्रतिक्रिया