काठमाडौँ । नेकपा एमालेकी सांसद दीपा शर्माले प्रतिनिधिसभा बैठकमा रास्वपाकी सांसद सोबिता गौतमको पुरानो अभिव्यक्तिमाथि प्रश्न उठाएकी छन्।
सांसद शर्माले सोधिन्, “एक महिला बलात्कृत हुनु र झापड खानु कसरी उस्तै हुन सक्छ?” उनले सांसद गौतमले आफ्नो अभिव्यक्तिमा बलात्कारजस्ता गम्भीर अपराधलाई सामान्य बनाउने प्रयास गरेको भन्दै आपत्ति जनाइन्।
दीपा शर्माले भनिन्, “उहाँ आफूलाई अब्बल कानुन व्यवसायी र नयाँ सुझबुझ भएको बताउनुहुन्छ। तर भाइरल भिडियोमा देखिन्छ, उहाँले भनेका छन्—जबसम्म बलात्कृत महिलालाई शारीरिक हानि नपुगेको छैन, बलात्कार र झापड एउटै हुन्। यसबाट समाजलाई कता लैजान खोज्दै हुनुहुन्छ?”
सांसद शर्माले कानून जान्ने र कानून बनाउने ठाउँमा रहेका एक महिला सांसदले यस्तो अभिव्यक्ति दिनु निन्दनीय भएको उल्लेख गरेकी छन्।
प्रकाशित मिति: २८ श्रावण २०८२, बुधबार
प्रतिक्रिया