काठमाडौं । प्रतिनिधि सभामा सांसद अमरेशकुमार सिंहले देशमा तीन प्रमुख राजनीतिक दलका शीर्ष नेताविरुद्ध बोल्न मुश्किल परिस्थिति आएको बताएका छन्।
सांसद सिंहले प्रधानमन्त्री केपी शर्मा ओली, कांग्रेस सभापति शेरबहादुर देउवा र माओवादी अध्यक्ष पुष्पकमल दाहालविरुद्ध बोल्दा बोल्ने व्यक्तिहरू अमरेश सिंह, भीम रावल, रवि लामिछाने वा रेशम चौधरी जस्ता नाममा पर्न सक्ने उल्लेख गरे। उनले साइबर सेक्युरिटीले त्यसमा थप प्रभाव पार्ने चेतावनी पनि दिए।
उनले भने, “तीन जनाको विरुद्धमा बोल्दा खैरियत हुँदैन, दर्जनौं नाम सूचीबद्ध गर्न सकिन्छ।”
सांसद सिंहले सरकारले शिक्षा, सञ्चार र स्वास्थ्य क्षेत्रमा केन्द्रित भएर विकासका काममा ध्यान दिनुपर्ने पनि औंल्याए।
प्रकाशित मिति: २८ श्रावण २०८२, बुधबार
प्रतिक्रिया