काठमाडौँ । प्रतिनिधिसभा सदस्य माधव सापकोटाले बिहीबारको बैठकमा सरकारले संसद्ले दिएको निर्देशन पालन गर्ने र प्रश्नहरूको जवाफ दिने भन्दा मिडिया र सोसियल मिडियाका लागि अनावश्यक र मित्थ्या कथाहरू सिर्जना गर्न ध्यान केन्द्रित गरेको आरोप लगाएका छन्।
सापकोटाले भने, “सरकार विषयान्तर भएको छ र यसप्रति खबरदारी आवश्यक छ।” उनले तातोपानी र रसुवागढी नाका बन्द हुँदा चाडबाडको समयमा महँगी बढ्ने जोखिमप्रति पनि चिन्ता व्यक्त गरे।
सांसद सापकोटाले संसद र जनताप्रति जिम्मेवारीपूर्वक काम गर्न सरकारलाई सचेत गराएका छन्।
प्रकाशित मिति: २९ श्रावण २०८२, बिहिबार
प्रतिक्रिया