काठमाडाैं । परराष्ट्रमन्त्री डा. आरजु राणा देउवाले भारतको ७९औँ स्वतन्त्रता दिवसको अवसरमा भारतीय सरकार तथा जनताप्रति हार्दिक शुभकामना व्यक्त गरेकी छन्।
सामाजिक सञ्जाल ‘एक्स’ मार्फत भारतीय परराष्ट्रमन्त्री डा. एस. जयशङ्करलाई ट्याग गर्दै उनले नेपाल–भारतबीचको दीर्घकालीन र सुदृढ साझेदारीलाई नेपालले उच्च महत्व दिने स्पष्ट पारेकी छन्।
“भारतको स्वतन्त्रता दिवसमा हामी भारतका जनताको समृद्धि, एकता र सद्भावको निरन्तरता कामना गर्दछौं। भारतले विश्वभरका मुलुकलाई प्रेरणा दिँदै लोकतन्त्रको उज्ज्वल उदाहरण बनेर रहोस्,” उनले शुभकामना सन्देशमा उल्लेख गरेकी छन्।
प्रकाशित मिति: ३० श्रावण २०८२, शुक्रबार
प्रतिक्रिया