काठमाडौं । नेकपा (एकीकृत समाजवादी)को सातौँ सचिवालय बैठकले वामदेव गौतमलाई पार्टीको तेस्रो वरीयताको जिम्मेवारी सुम्पिएको छ।
पार्टी केन्द्रीय कार्यालय आलोकनगरमा सम्पन्न बैठकले अध्यक्ष माधव नेपाल र वरिष्ठ नेता झलनाथ खनालपछि वामदेव गौतमलाई तेस्रो वरीयताको नेताका रूपमा नियुक्त गरेको हो। पार्टी उपाध्यक्ष तथा प्रचार विभाग प्रमुख प्रकाश ज्वालाका अनुसार वरिष्ठ नेता गौतमले अध्यक्ष नेपालबाट औपचारिक शपथ ग्रहण गरिसकेका छन्।
उक्त बैठकमा राष्ट्रिय एकता अभियानबाट पार्टीमा प्रवेश गरेका नेताहरूलाई समेत जिम्मेवारी प्रदान गरिएको छ। ज्वालाका अनुसार डिबी कार्की, तुलसी थापा र लोकनाथ धमलालाई पोलिटब्युरो सदस्यको जिम्मेवारी दिइएको छ।
त्यस्तै, केन्द्रीय सदस्यको जिम्मेवारीमा भगवती विष्ट, दुर्गादत्त भण्डारी, राधेश्याम गुप्ता, इमानसिंह भारती, रवीन्द्र वम, तोफा यादव, विद्याप्रसाद शर्मा, रामप्रसाद अधिकारी र मोहम्मद शेर वागवान रहेका छन्।
प्रकाशित मिति: ३० श्रावण २०८२, शुक्रबार
प्रतिक्रिया