काठमाडाैं । वरिष्ठ अभिनेता नीरविक्रम शाहले नेपाली कांग्रेसका सभापति शेरबहादुर देउवालाई मुलुकको राजनीतिको सबैभन्दा परिष्कृत नेताका रूपमा मूल्यांकन गरेका छन्।
बिहीबार नेपाली कांग्रेसको सूचना, सञ्चार तथा प्रचार विभागले आयोजना गरेको कार्यक्रममा बोल्दै शाहले देउवाबाट समाज, पार्टी र लोकतान्त्रिक धारणा पछ्याउनेहरू सबैले अझै धेरै कुरा सिक्न बाँकी रहेको बताए। उनले भने, “सभापति देउवा नेपाली राजनीतिको सबैभन्दा परिष्कृत व्यक्तित्व हुनुहुन्छ। उहाँबाट समाज र उहाँको विचारलाई अंगिकार गर्नेहरूले धेरै कुरा सिक्न बाँकी छ।”
शाहले समयलाई एउटा ठुलो अवरोधका रूपमा महसुस भइरहेको उल्लेख गर्दै त्यस किसिमका छेकबार हटाउन यस्ता कार्यक्रमहरू उपयोगी हुने धारणा राखे। “समय नै सबैभन्दा ठूलो छेकबार हो भन्ने लाग्छ। तर यस्ता समारोहहरूले त्यस्ता अवरोध पन्छाउन महत्वपूर्ण भूमिका खेल्छन्,” उनले भने।
प्रकाशित मिति: ३१ श्रावण २०८२, शनिबार
प्रतिक्रिया