काठमाडाैं । बान्निगढी जयगढ गाउँपालिका–१, जयगढ बजारमा झण्डा फहराउने क्रममा करेन्ट लागेर एक जनाको मृत्यु भएको छ भने पाँच जना घाइते भएका छन्।
कृष्ण जन्माष्टमीका अवसरमा मेलाको तयारीस्वरूप सार्वजनिक स्थलमा राष्ट्रिय झण्डा गाड्दा फलामे झण्डा बिजुलीको तारमा छुने क्रममा करेन्ट लागेको हो। करेन्ट लागेर घाइते १६ वर्षीय रोहित साउद (मेल्लेख गाउँपालिका–७, नन्देगडा)को उपचारका क्रममा बयालपाटा प्रादेशिक अस्पताल अछाममा मृत्यु भएको जिल्ला प्रहरी कार्यालयका प्रमुख ओमप्रकाश खनालले बताए।
उक्त घटनामा घाइते भएका १८ वर्षीय समीर शाह (बान्निगढी जयगढ–६), १७ वर्षीय विनोद रावत, २० वर्षीय बम शाह, १६ वर्षीय लवशन सुनार (साँफेबगर नगरपालिका–४, मुगसैन) र १६ वर्षीय शमशेर साउद (रामारोशन गाउँपालिका–६, भाटाकाटिया) उपचाररत छन्। घाइते सबैको अवस्था सामान्य रहेको प्रहरीले जनाएको छ।
प्रकाशित मिति: ३१ श्रावण २०८२, शनिबार
प्रतिक्रिया