काठमाडौं । नेपाल कम्युनिस्ट पार्टी (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’सँग भारतका विदेशसचिव विक्रम मिस्रीले शिष्टाचार भेट गरेका छन्।
दुई दिने औपचारिक नेपाल भ्रमणमा आइतबार बिहान काठमाडौँ आइपुगेका मिस्री खुमलटारस्थित अध्यक्ष प्रचण्डको निवासमा पुगेर भेटवार्ता गरेका हुन्।
प्रचण्डको सचिवालयका अनुसार भेटमा नेपाल–भारतबीचको आपसी हित, द्विपक्षीय सम्बन्ध सुदृढीकरण र सहयोगका विषयमा विचार–विमर्श भएको छ।
प्रकाशित मिति: १ भाद्र २०८२, आइतबार
प्रतिक्रिया