काठमाडौं । बूढानीलकण्ठ नगरपालिका–७, स्पेसलचोकमा आज बिहान मोटरसाइकल र स्कुटर आपसमा ठोक्किँदा दुई जनाको मृत्यु भएको छ भने दुई जना घाइते भएका छन्।
प्रहरीका अनुसार बाग्मती प्रदेश ०२-०४१ प ६८१९ नम्बरको स्कुटर र प्रदेश ३-०२-००२ प ५७२ नम्बरको सुजुकी जिक्सर मोटरसाइकल एकआपसमा ठोक्किँदा सिराहा जन्दह गाउँपालिका–४ घर भएका २९ वर्षीय भोला थापा र कालो पाइन्ट, सेतो टिसर्ट लगाएका करिब ३५ वर्षीय पुरुषको उपचारका क्रममा मृत्यु भएको हो।
दुर्घटनामा गोरखा आरुपोखरी घर भई हाल बूढानीलकण्ठ–८ बस्ने २४ वर्षीय एरिक परियार र कालो ट्र्याक, नीलो टिसर्ट लगाएका अर्का पुरुष घाइते भएका छन्। दुवैको त्रिवि शिक्षण अस्पतालमा उपचार भइरहेको जिल्ला प्रहरी परिसर काठमाडौंका प्रवक्ता प्रहरी उपरीक्षक अपिलराज बोहराले जानकारी दिए।
दुर्घटनापछि दुवै सवारीसाधन प्रहरी नियन्त्रणमा रहेका छन् भने मृतक तथा घाइतेका आफन्तको खोजी भइरहेको प्रहरीले जनाएको छ।
प्रकाशित मिति: २ भाद्र २०८२, सोमबार
प्रतिक्रिया