काठमाडौं। दैलेखको चामुण्डा बिन्द्रासैनी नगरपालिका-३, देउराली नजिकै मिनी बस दुर्घटना हुँदा चार जना घाइते भएका छन्।
घाइते हुनेमा चामुण्डा बिन्द्रासैनी–२ की २७ वर्षीया मिना विष्ट, वडा नम्बर–१ का ४२ वर्षीय सुरेन्द्र शाही, वडा नम्बर–२ की २४ वर्षीया निर्मला सुवेदी र वडा नम्बर–४ की ७० वर्षीया पुन्टी शाही रहेका छन्।
प्रहरीका अनुसार, बिन्द्रासैनी–३ हाडाकोटको चाल्ने चौताराबाट सुर्खेततर्फ जाँदै गरेको क.प्र.०२००१ ख.०१७० नम्बरको मिनी बस अनियन्त्रित भएर सडकमा पल्टिएको थियो।
घाइतेहरूलाई उद्धार गरी उपचारका लागि दुल्लु अस्पताल पठाइएको छ। बस चालकलाई नियन्त्रणमा लिएर दुर्घटनाको कारण पत्ता लगाउन अनुसन्धान भइरहेको प्रहरीले जनाएको छ।
प्रकाशित मिति: ३ भाद्र २०८२, मंगलबार
प्रतिक्रिया