काठमाडौं । प्रतिनिधि सभा बैठक सुरु हुनुअघि राष्ट्रिय स्वतन्त्र पार्टी (रास्वपा) आज पनि आन्तरिक रणनीति तय गर्न छलफलमा बस्ने भएको छ।
प्रतिनिधि सभाको बैठक दिउँसो १ बजेका लागि बोलाइएको छ। बैठकअघि करिब एक घण्टा पहिलेदेखि रास्वपाले आफ्ना सांसदहरूबीच आन्तरिक परामर्श गर्ने उपसभापति डोलप्रसाद अर्यालले जानकारी दिए।
उनका अनुसार संसद् बैठक अघि हरेक दिन रास्वपाले आन्तरिक बैठक गर्ने गरेको छ। सो क्रममा पार्टीका सांसदहरूले दिनको कार्यसूचीअनुसार कसले के विषयमा बोल्ने भन्ने टुंगो लगाइन्छ।
अर्यालले आजको छलफल पनि सोही नियमित प्रक्रियाअन्तर्गत बस्न लागेको बताए।
प्रकाशित मिति: ४ भाद्र २०८२, बुधबार
प्रतिक्रिया