काठमाडौं । कर्णाली प्रदेशका मुख्यमन्त्री यामलाल कँडेलले नेपाली कांग्रेसका सभापति शेरबहादुर देउवासँग भेटवार्ता गरेका छन्।
सत्तारूढ दल कांग्रेस र एमालेबीच प्रदेश सरकार सञ्चालनका विषयमा मतभेद बढिरहेका बेला मुख्यमन्त्री कँडेल बुधानीलकण्ठस्थित देउवा निवास पुगेका हुन्।
भेटपछि सामाजिक सञ्जालमार्फत मुख्यमन्त्री कँडेलले समसामयिक राजनीतिक अवस्था, कर्णाली प्रदेश सरकारको काम–कारबाही, विकास, सुशासन र समृद्धिसम्बन्धी विषयमा छलफल भएको जानकारी दिएका छन्।
यसअघि एमाले संसदीय दलको बैठकमा कांग्रेससँगको गठबन्धन मर्मअनुरूप अघि नबढेको मूल्यांकन गरिएको थियो।
प्रकाशित मिति: ५ भाद्र २०८२, बिहिबार
प्रतिक्रिया