काठमाडौं । प्रतिनिधिसभाअन्तर्गतको कृषि, ऊर्जा तथा जलस्रोत समितिले बिहीबार भूमिसम्बन्धी विधेयक पारित गरेको छ।
विधेयक पारित हुनासाथ नेपाली कांग्रेसका महामन्त्रीहरूको संशोधन प्रस्ताव सरकारले स्वीकार गरेको जानकारी समितिले दिएको छ।
नेकपा (माओवादी केन्द्र)का केही सांसदले फरक मत दिनका लागि शुक्रबार (भदौ ६) सम्म समय मागेका थिए। तर समितिले विधेयक पारित गरेपछि माओवादी सांसदहरूले फरक मत नदिई बैठक छोडेका छन्।
त्यसैगरी राष्ट्रिय स्वतन्त्र पार्टी (रास्वपा)का केही सांसद पनि असहमति प्रकट गर्दै बैठकबाट बाहिरिएका छन्। बाँकी सांसदहरू भने हस्ताक्षरका लागि बैठककक्षमै उपस्थित रहेका छन्।
प्रकाशित मिति: ५ भाद्र २०८२, बिहिबार
प्रतिक्रिया