काठमाडौं । नेकपा माओवादी केन्द्रका सांसद वर्षमान पुनले सरकारले संसद्मा आर्थिक विधेयक पारित भएको एक महिनाभित्रै कर दरमा फेरबदल गरेको भन्दै गम्भीर आपत्ति जनाएका छन्।
प्रतिनिधिसभाको शुक्रबारको बैठकमा बोल्दै उनले बताए, “सरकारले सलाइ बनाउन आवश्यक काठको भन्सार शुल्क, सुक्खा र पेय पदार्थका जुसमा ३५ प्रतिशत अन्तःशुल्क तथा औषधि प्याकेजिङमा प्रयोग हुने बोतलमा लगाइएको अन्तःशुल्क घटाएको छ।”
सांसद पुनले संसद् चलिरहेको र आर्थिक विधेयक हालै मात्र पारित भएको अवस्थामा यस्तो निर्णय आर्थिक अपराधसमेत सरह भएको आरोप लगाए। उनले कर दरमा भएको यस परिवर्तनबारे सरकारले संसद् तथा जनतालाई स्पष्ट जानकारी दिनुपर्ने माग पनि गरे।
प्रकाशित मिति: ६ भाद्र २०८२, शुक्रबार
प्रतिक्रिया