काठमाडौं । नेकपा (एमाले) का नेता गोकुल बाँस्कोटाले राजनीतिक विश्लेषणलाई आफ्नो कब्जामा राख्ने प्रवृत्तिमाथि व्यङ्ग्य गरेका छन्।
सामाजिक सञ्जाल एक्स मार्फत टिप्पणी गर्दै उनले पछिल्लो समय केही व्यक्तिहरूले राजनीतिक विश्लेषणलाई व्यक्तिगत प्रचार र प्रतिस्पर्धाको मैदान बनाएको उल्लेख गरेका छन्।
उनले लेखेका छन्, “केही मानिसका राजनीतिक विश्लेषण, संश्लेषण र त्यसको नित्य दोहोरिएको ‘एकल भजन प्रतियोगिता’ जस्तो बजारीकरण देख्दा अचम्म लाग्छ।”
यस्तै गर्दै बाँस्कोटाले थपे, “उनीहरू आफैं प्रश्न सोध्ने, आफैं जवाफ दिने, आफैं नतिजा निकाल्ने र अन्ततः आफ्नै जित घोषणा गर्ने अभ्यासमा छन्। समाज र राजनीति अलग्गै बाँच्दैन भन्ने कुरा ‘सिङ विनाका तिखेहरू’ ले बुझ्नुपर्छ।”
प्रकाशित मिति: ८ भाद्र २०८२, आइतबार
प्रतिक्रिया