काठमाडौँ । परराष्ट्रमन्त्री डा. आरजु राणा देउवाले हमास समूहको नियन्त्रणमा रहेका नेपाली युवा विपिन जोशीको रिहाइका लागि सरकारले आगामी दिनमा अझ सशक्त पहल गर्ने प्रतिबद्धता व्यक्त गरेकी छन्।
आइतबार विपिनका आमा र बहिनीसँग मन्त्रालयमा भेटवार्ता गर्दै मन्त्री राणाले जोशी परिवारले सरकारद्वारा भइरहेका प्रयासप्रति आभार व्यक्त गर्दै निरन्तर पहल गर्न आग्रह गरेको जानकारी दिइन्।
फेसबुकमार्फत भेटबारे जानकारी दिँदै मन्त्री राणाले लेखेकी छन्, “इजरायलबाट फर्केपछि आज उहाँहरूले मलाई भेटेर विपिनको अवस्थाबारे जानकारी गराउनुभयो। मैले पनि सरकारले विपिनको रिहाइका लागि गरेका र जारी राखेका कूटनीतिक प्रयत्नबारे अवगत गराएँ। उहाँहरूको आग्रहअनुसार सरकारले अब थप प्रभावकारी पहल गर्नेछ।”
सरकारले यसअघि इजरायलस्थित नेपाली दूतावासमार्फत समेत विपिनको सुरक्षित रिहाइका लागि पहल गरिरहेको जनाएको छ।
प्रकाशित मिति: ८ भाद्र २०८२, आइतबार
प्रतिक्रिया