काठमाडौँ । सिन्धुपाल्चोकको भोटेकोशी गाउँपालिका-४ हिन्दीस्थितमा बोलेरो जिप दुर्घटना हुँदा दुई जना बेपत्ता भएका छन्।
शनिबार दिउँसो तातोपानीबाट बाह्रबिसेतर्फ गइरहेको बा २१ च ७५४४ नम्बरको बोलेरो जिप सडकबाट करिब २० मिटर तल खसेर दुर्घटनाग्रस्त भएको जिल्ला प्रहरी कार्यालय सिन्धुपाल्चोकले जनाएको छ।
दुर्घटनामा चालक सर्लाहीको बरथहवा नगरपालिका–२ का राजेश कुमार कुसहवा र रौतहटको बौधिमाई नगरपालिका–१ का २५ वर्षीय रामप्रवेश महतो बेपत्ता भएका छन्।
घटनापछि प्रहरी चौकी हिन्दीका प्रहरी निरीक्षक नवराज नेपालको नेतृत्वमा दुई जना र इलाका प्रहरी कार्यालय बाह्रबिसेका प्रहरी निरीक्षक सुमेस पाण्डेको नेतृत्वमा दुई जना गरी चार जनाको टोली परिचालन गरिएको हो।
स्थानीयवासी र सुरक्षाकर्मीले उद्धार गर्ने क्रममा गाडी तानेपछि एक जनाको शव नदीमा बगाएको प्रहरीले जनाएको छ। हाल दुवै बेपत्ताको खोजी कार्य जारी छ।
प्रकाशित मिति: १० भाद्र २०८२, मंगलबार
प्रतिक्रिया