काठमाडौं । प्रतिनिधिसभा अन्तर्गतको राज्य व्यवस्था तथा सुशासन समिति सभापति पदमा निर्विरोध निर्वाचित भएकी नेपाली कांग्रेसकी सांसद ईश्वरीदेवी न्यौपाने बुधबार दिउँसो ४ बजे शपथग्रहण गर्ने भएकी छन्।
संघीय संसद् सचिवालयका अनुसार सिंहदरबारस्थित कृषि, सहकारी तथा प्राकृतिक स्रोत समितिको सभाकक्षमा शपथ समारोह आयोजना गरिएको छ।
मंगलबार दिउँसो १ बजेदेखि ४ बजेसम्म उम्मेदवारी दर्ता गर्ने समय तोकिएकोमा न्यौपाने मात्र उम्मेदवार बनेकी हुँदा उनी निर्विरोध सभापति चुनिएकी हुन्।
यसअघि, तत्कालीन सभापति रामहरि खतिवडाले ‘कुलिङ अफ पिरियड’ सम्बन्धी विवादपछि साउन २८ गते पदबाट राजीनामा दिएका थिए।
प्रकाशित मिति: ११ भाद्र २०८२, बुधबार
प्रतिक्रिया