काठमाडौं । नेकपा एमालेका नेता एवं पूर्वमन्त्री गोकुल बास्कोटाले नेपालमा प्रचलित विभिन्न विचारधारामाथि व्यंग्य गर्दै अब लेनिन, स्टालिन र गोर्भाचोभको विचार पनि एकैसाथ पढ्नुपर्ने अवस्था आएको टिप्पणी गरेका छन्।
बास्कोटाले सामाजिक सञ्जालमार्फत जनताको बहुदलीय जनवाद, नयाँ जनवाद, परिमार्जित नौलो जनवाद र वातावरणीय जनवादलाई एकैपटक अध्ययन, छलफल र मतदानमा प्रयोग गरिएको उल्लेख गर्दै यस्तो व्यंग्यात्मक प्रतिक्रिया दिएका हुन्।
उनले भने, “एकसाथ मदन भण्डारीको जनताको बहुदलीय जनवाद, मोहनचन्द्र अधिकारीको नयाँ जनवाद, सिपी मैनालीको परिमार्जित नौलो जनवाद र रघुपन्तको वातावरणीय जनवाद पढियो, बोलियो, मत हालियो। अब एकसाथ लेनिन, स्टालिन र गोर्भाचोभ पढ्न परो के रैछ?”
प्रकाशित मिति: ११ भाद्र २०८२, बुधबार
प्रतिक्रिया