काठमाडौं । नेकपा (एमाले) का केन्द्रीय सदस्य ऐन महरविरुद्ध पक्राउ पुर्जी जारी भएको छ। साइबर ब्युरोको माग अनुसार काठमाडौँ जिल्ला अदालतले उनलाई पक्राउ गर्न आदेश दिएको हो।
साइबर ब्युरोमा दर्ता भएको उजुरीमा एक महिलाले महरविरुद्ध जाहेरी दिएकी थिइन्। यसै विषयमा अदालतले पक्राउ अनुमति जारी गरेको साइबर ब्युरोका अधिकारीले रातोपाटीलाई जानकारी दिएका छन्।
जाहेरी दिनुअघि पनि उक्त महिलाले प्रहरीमा महरविरुद्ध उजुरी दिएकी थिइन्। ऐन महर अनेरास्ववियुको विद्यार्थी राजनीति गर्दै पार्टीको केन्द्रीय सदस्य भएका हुन्।
बझाङ घर भएका महर प्रतिनिधिसभा निर्वाचनमा उम्मेदवार बनेका थिए, तर एकीकृत समाजवादीका नेता भानुभक्त जोशीसँग पराजित भएका थिए।
प्रकाशित मिति: ११ भाद्र २०८२, बुधबार
प्रतिक्रिया