काठमाडौं । प्रतिनिधिसभाका सभामुख देवराज घिमिरेले पाँच राष्ट्रिय दलका प्रमुख सचेतकहरूसँग सिंहदरबारस्थित आफ्नो कार्यकक्षमा छलफल गरेका छन्।
सभामुखले समसामयिक राजनीतिक विषय, संसद्को कार्यसूची (क्यालेन्डर) तथा भोलि बस्ने संसद् बैठकको तयारीबारे प्रमुख सचेतकहरूसँग परामर्श लिएको उनका सचिवालयले जनाएको छ।
छलफलमा सत्तारूढ दल नेपाली कांग्रेस, प्रमुख विपक्षी नेकपा एमाले, नेकपा माओवादी केन्द्र, राष्ट्रिय प्रजातन्त्र पार्टी (राप्रपा) र राष्ट्रिय स्वतन्त्र पार्टी (रास्वपा) का प्रमुख सचेतक सहभागी रहेका छन्।
प्रकाशित मिति: १२ भाद्र २०८२, बिहिबार
प्रतिक्रिया