वीरगन्ज । नेपाली कांग्रेसका महामन्त्री तथा पूर्वस्वास्थ्य मन्त्री गगन थापाले शुक्रबार बिहान नारायणी अस्पताल पुगेर हैजा संक्रमित बिरामीसँग भेट गरेका छन्।
बिरामीलाई ढाडस दिँदै उनले सरकारले आवश्यक सबै सहयोग गर्ने प्रतिबद्धता व्यक्त गरे। साथै, तत्काल राहत प्याकेज घोषणा गर्नुपर्ने आवश्यकता औंल्याउँदै हैजाविरुद्धको भ्याक्सिन स्वास्थ्य मन्त्रालयमार्फत छिट्टै उपलब्ध गराउने आश्वासन पनि दिए।
अस्पताल विकास समितिका अध्यक्ष धीरज गुप्ताका अनुसार थापाले नारायणी अस्पताललाई ५ सय शय्या क्षमतामा स्तरोन्नति गर्ने पहल गर्ने वाचा समेत गरेका छन्।
पर्सा जिल्लामा शुक्रबारसम्म १५२ जनामा हैजा संक्रमण पुष्टि भएको छ।
प्रकाशित मिति: १३ भाद्र २०८२, शुक्रबार
प्रतिक्रिया