काठमाडौं । राष्ट्रिय योजना आयोगका पूर्वसदस्य तथा राष्ट्रिय स्वतन्त्र पार्टी (रास्वपा)का पूर्व केन्द्रीय सदस्य अरनिको पाँडेलाई २० हजार रुपैयाँ धरौटीमा रिहा गर्न अदालतले आदेश दिएको छ ।
साइबर अपराधसम्बन्धी आरोपमा पक्राउ परेका पाँडेलाई काठमाडौं जिल्ला अदालतले शुक्रबार धरौटीमा छोड्ने निर्णय सुनाएको हो । जिल्ला न्यायाधीश ध्रुवराज कार्कीको एकल इजलासले उक्त आदेश जारी गरेको हो ।
पाँडेलामाथि एक महिलालाई सामाजिक सञ्जालमार्फत गालीगलौज र अभद्र व्यवहार गरेको आरोपमा मुद्दा दर्ता भएको थियो । सोही उजुरीका आधारमा नेपाल प्रहरीको साइबर ब्युरोले उनलाई नियन्त्रणमा लिएको हो ।
प्रकाशित मिति: १३ भाद्र २०८२, शुक्रबार
प्रतिक्रिया