काठमाडौँ । जर्मनीमा बेरोजगारको संख्या १० वर्षपछि पहिलोपटक ३० लाख नाघेको छ ।
श्रम कार्यालयले सार्वजनिक गरेको तथ्यांक अनुसार अगस्ट महिनामा बेरोजगारको संख्या ३० लाख २० हजार पुगेको छ, जुन अघिल्लो महिनाको तुलनामा ४६ हजारले बढी हो ।
केहिवर्ष अघि देखिएको आर्थिक मन्दीको असर हाल पनि कायमै रहँदा बेरोजगारीको समस्या समाधान हुननसकेको सरकारी अधिकारीहरुले जनाएका छन् ।
विश्व अर्थतन्त्रको अनिश्चितता र युक्रेनमाथि रुसको आक्रमणले अर्थतन्त्र कमजोर बनेको श्रम मन्त्रीको भनाइलाई उद्धृत गर्दै रोयटर्सले जनाएको छ ।
जर्मनीमा अर्थतन्त्र चलायमान बनाउन ५ सय अर्ब युरोको विशेष कोषमार्फत पूर्वाधारमा लगानी भएको समाचारमा जनाइएको छ ।
प्रकाशित मिति: १४ भाद्र २०८२, शनिबार
प्रतिक्रिया