काठमाडौं । काठमाडौँको टुँडिखेलमा देउडा नृत्य र झाँकी प्रस्तुत गर्दै गौरा पर्व मनाइएको छ ।
सुदूरपश्चिम तथा कर्णाली प्रदेशका विभिन्न जिल्लामा स्थायी घर भइ अध्ययन, रोजगारीसहित विभिन्न पेशा व्यवसायका सिलसिलामा राजधानीमा बस्दै आएकाहरुले हर्षाेल्लासकासाथ टुँडिखेलमा गौरा पर्व मनाएका हुन् ।
प्रशंसा संरक्षण समूहद्वारा आयोजित कार्यक्रममा गौरा माताको प्रतिमा शिरमा राखेर देउडा, ठाडो खेल, छलिया नृत्य, हुड्के नाचसहित गौरा पर्व मनाइएको छ । शुक्ल पक्षमा मनाइने गौरालाई उज्याली र कृष्ण पक्षमा मनाइने गौरालाई अँध्यारी भन्ने चलन छ ।
पछिल्ला वर्षमा सुदुरपश्चिम तथा कर्णाली प्रदेशबाट आएर काठमाडौँ उपत्यकामा बसोबास गर्ने नागरिकको सङ्ख्या बढ्दै गएपछि राजधानीमा गौरा पर्व धुमधामका साथ मनाउन थालिएको हो । राजधानीमा २०५२ सालदेखि गौरा पर्व मनाउन थालिएको हो । गौरा पर्व २०५४ सालदेखि नियमितरूपमा टुँडिखेलमा मनाइँदै आएको छ ।
प्रकाशित मिति: १५ भाद्र २०८२, आइतबार
प्रतिक्रिया