काठमाडौं । पछिल्लो केहि समययता रातको समयमा सवारी चलाउन रोक लगाइएको बीपी राजमार्गमा थप १५ दिन सवारी चलाउन नपाइने भएको छ ।
जिल्ला सुरक्षा समिति काभ्रेपलाञ्चोकले भदौ मसान्त सम्मका लागि साँझ ५ बजेदेखि बिहान ५ बजेसम्म यात्रुवाहक सवारी चलाउन रोक लगाएको हो । समितिका अनुसार काभ्रेभञ्ज्याङ–भकुण्डेवेशी हुँदै सिन्धुलीतर्फ जाने निजी तथा सार्वजनिक सवारी साधनलाई सो समयमा सञ्चालका लागि रोक लगाउनले निर्णय भएको हो ।
गत वर्षको वर्षातले बनाएको क्षतबिक्षत बीपी राजमार्गमा, कमजोर भौगोलिक अवस्था र मनसुन अझै कायम रहेको हुँदा भदौ मसान्तसम्मै राती सवारी साधन सञ्चालन गर्न नपाइने निर्णय गरिएको जिल्ला प्रशासन कार्यालय काभ्रेले जनाएको छ ।
प्रकाशित मिति: १६ भाद्र २०८२, सोमबार
प्रतिक्रिया