काठमाडौं । काठमाडौंको गोंगबुस्थित एक घरमा प्रहरीले मंगलबार दिउँसो ठूलो मात्रामा नगद बरामद गरेको छ।
उपत्यका प्रहरी कार्यालय रानीपोखरी र जिल्ला प्रहरी परिसर काठमाडौंको संयुक्त टोलीले सूचना पाएपछि उक्त घरमा छापा मारेको हो। प्रहरी महानिरीक्षक (एआइजी) टेक तामाङले छापामारी क्रममा ठूलो रकम फेला परेको पुष्टि गरेका छन्। तर, रकमको सही परिमाण भने अहिलेसम्म सार्वजनिक गरिएको छैन।
प्रहरी स्रोतका अनुसार गोरखा स्थायी घर भई गोंगबु बस्दै आएका ७६ वर्षीय विनोदकुमार श्रेष्ठलाई नियन्त्रणमा लिइएको छ। बरामद रकम गन्नका लागि बैंकबाट मेसिन समेत मगाइएको र रकम करोडौँमा हुने प्रारम्भिक अनुमान गरिएको प्रहरीले जनाएको छ।
प्रहरीले घटनाबारे थप अनुसन्धान अघि बढाइरहेको छ।
प्रकाशित मिति: १७ भाद्र २०८२, मंगलबार
प्रतिक्रिया