काठमाडौं । नेपाली कांग्रेसका सभापति शेरबहादुर देउवाले कर्मचारीहरू कुनै पनि राजनीतिक दलको पक्षमा लागेर होइन, देश र जनताको हितमा मात्रै काम गर्नुपर्ने बताएका छन्।
बिहीबार काठमाडौँमा आयोजित कार्यक्रममा सम्बोधन गर्दै उनले कर्मचारीहरूलाई पार्टीको आदेश होइन, संविधान र कानुनअनुसार काम गर्नुपर्ने स्पष्ट सन्देश दिए।
देउवाले भने, ‘कर्मचारीले कुनै पार्टीको लागि होइन, देश र राष्ट्रको लागि काम गर्नुपर्छ। निर्वाचनमा कसलाई भोट दिने भन्ने व्यक्तिगत कुरा हो, तर पार्टीको आदेश मान्ने होइन।’
उनका अनुसार कांग्रेस संसद्मा सबैभन्दा ठूलो दल भएकाले कर्मचारीहरूको हकहितका मुद्दा अघि बढाउन र आवश्यक परे अन्य दललाई पनि सहभागी गराउन सक्नेछ।
सभापति देउवाले सरकारी सेवामा चुस्तदुरुस्त प्रणाली विकास गर्न कर्मचारीहरू सक्रिय हुनुपर्ने उल्लेख गर्दै २१ औँ शताब्दीको आवश्यकता अनुरूप जनतालाई छिटो र प्रभावकारी सेवा दिनुपर्नेमा जोड दिए।
प्रकाशित मिति: १९ भाद्र २०८२, बिहिबार
प्रतिक्रिया