काठमाडौं । नेकपा एमालेका नेता तथा पूर्वसञ्चारमन्त्री गोकुल बास्कोटाले सरकारले सामाजिक सञ्जाल बन्द गर्ने निर्णयप्रति असन्तोष व्यक्त गरेका छन्।
बास्कोटाले सामाजिक सञ्जालमा लेख्दै आफूले मन्त्री हुँदा सञ्जाल नियमनका लागि कानुन बनाउनुपर्ने कुरा उठाएको तर सरकारले त्यसको सट्टा देशलाई ‘उत्तर कोरिया’ बनाउन खोजेको टिप्पणी गरेका छन्।
उनले भनेका छन्, ‘नियमनको प्रविधिको प्रबन्ध मिलाउने र कानुन बनाउने भनेको थिएँ मैले। तर सरकारले त नर्थ कोरिया बनाउन खोजेछ। विकृति अन्त्य गर्ने नाममा सूचनामाथि बिर्को लगाउने त होइन नि।’
यसअघि सरकारले आजैदेखि नेपालमा सूचीकरण नगरेका फेसबुकसहित २६ सामाजिक सञ्जाल बन्द गर्ने निर्णय गरेको छ।
प्रकाशित मिति: १९ भाद्र २०८२, बिहिबार
प्रतिक्रिया