काठमाडौं । राष्ट्रिय स्वतन्त्र पार्टी (रास्वपा) ले सोमबार काठमाडौंमा जेन–जी युवाहरूको प्रदर्शन र त्यसक्रममा प्रहरीले सञ्चालन गरेको धरपकडबारे छलफल गर्न आकस्मिक सचिवालय बैठक बोलाएको छ। पार्टीका प्रवक्ता मनिष झाले जानकारी दिएका छन्।
प्रवक्ता झाले बताएअनुसार, बैठक दिउँसो चार बजे केन्द्रीय कार्यालय, वनस्थलीमा बस्ने छ। बैठकमा प्रदर्शनपछि उत्पन्न विवाद, युवाहरूको माग र सुरक्षा निकायको कार्यप्रणालीको समीक्षा गरिने अपेक्षा गरिएको छ।
साथै, सभापति रवि लामिछानेसँगको निर्धारित भेटघाट कार्यक्रममा पनि प्रहरीले अस्थायी रूपमा रोक लगाएको विषयबारे पनि बैठकमा छलफल हुने प्रवक्ता झाले जनाए।
पार्टीले आगामी राजनीतिक परिस्थिति र युवाहरूको आवाजलाई सम्बोधन गर्ने रणनीति तय गर्न यस बैठकलाई महत्वपूर्ण ठहर गरेको छ।
प्रकाशित मिति: २३ भाद्र २०८२, सोमबार
प्रतिक्रिया