काठमाडौं । नेकपा माओवादी केन्द्रका उपमहासचिव वर्षमान पुनले जेनजी आन्दोलनमाथि भएको प्रहरी दमनप्रति तीव्र आपत्ति जनाएका छन्।
उनले जेनजी युवाहरूले अघि सारेका मागहरू जायज र संवेदनशील भएको उल्लेख गर्दै त्यसलाई सम्बोधन गर्न सरकार असफल भएको आरोप लगाए। पुनले भने, ‘जेनजीका मागप्रति बेवास्ता गर्नु गम्भीर भूल हो। प्रधानमन्त्रीको हिजोको अभिव्यक्ति र गृहमन्त्रीले आज समितिको बैठकमा समय खर्चनु, आन्दोलनप्रति ध्यान दिन नचाहेको स्पष्ट संकेत हो।’
उनका अनुसार देशलाई संकटबाट जोगाउन प्रधानमन्त्री र गृहमन्त्रीले जेनजीको मागलाई अविलम्ब सम्बोधन गर्दै समाधानका लागि मार्ग प्रशस्त गर्नैपर्ने अवस्था आएको छ।
प्रकाशित मिति: २३ भाद्र २०८२, सोमबार
प्रतिक्रिया