काठमाडौं । मन्त्रिपरिषद् बैठकले जेनजी आन्दोलनका क्रममा १९ जनाको मृत्यु भएको घटनाको छानबिनका लागि समिति गठन गर्ने निर्णय गरेको छ । तर, समितिको संयोजकको नाम भने अझै तोकिएको छैन ।
बैठकले समितिलाई १५ दिनभित्र प्रतिवेदन बुझाउन निर्देशन दिएको स्वास्थ्य तथा जनसंख्यामन्त्री प्रदीप पौडेलले जानकारी दिए । सुरुमा गृहमन्त्री रमेश लेखक उपस्थित भएपछि संयोजकको नाम टुंग्याउने भनिएको थियो । तर, लेखकले बैठकमै राजीनामा दिएपछि संयोजक तोक्न नसकिएको हो ।
यस विषयमा प्रधानमन्त्री केपी शर्मा ओली कांग्रेस सभापति शेरबहादुर देउवासँग छलफलमा रहेका छन् । छलफलपछि संयोजकको नाम टुंगिने सम्भावना रहेको स्रोतले जनाएको छ । मन्त्रिपरिषद् बैठक प्रधानमन्त्रीको सरकारी निवास बालुवाटारमा बसेको थियो ।
प्रकाशित मिति: २३ भाद्र २०८२, सोमबार
प्रतिक्रिया