काठमाडौं । नेकपा एमालेका वरिष्ठ उपाध्यक्ष ईश्वर पोखरेलले देशभरि सामाजिक सद्भाव र शान्तिपूर्ण वातावरण कायम राख्न सबैको सक्रिय भूमिका आवश्यक रहेको बताएका छन्।
पोखरेलले पार्टीका नेता, कार्यकर्ता, समर्थक र आम नागरिकमा विषम परिस्थितिमा धैर्य र संयमता अपनाउन आग्रह गर्दै सामाजिक सञ्जालमार्फत अपिल गरेका छन्। उनले भने, ‘जस्तोसुकै चुनौतीपूर्ण अवस्थामा पनि लोकतान्त्रिक मूल्य, बहुलवाद, सामाजिक न्याय, विधिको शासन र आन्दोलनकारीको अधिकारप्रति अडिग रहन सबैमा हार्दिक अनुरोध गर्दछु।’
उनले आन्दोलनका क्रममा प्रयोग भएको अस्वाभाविक शक्ति, सार्वजनिक तथा निजी सम्पत्तिमा भएको क्षति, ऐतिहासिक र सांस्कृतिक सम्पत्तिमा तोडफोड र राजनीतिक दलका कार्यालयमाथि भएको आक्रमणको निन्दा पनि व्यक्त गरेका छन्।
प्रकाशित मिति: २५ भाद्र २०८२, बुधबार
प्रतिक्रिया