काठमाडौं । संघीय संसद् सचिवालयको कामकारबाही अनिश्चित भएको छ ।
संघीय संसद सचिवालयका महासचिव पद्मप्रसाद पाण्डेयले सूचना निकालेर संसद् बैठक अनिश्चितकालका लागि स्थगित गरिदिएका छन् । उनले सूचना निकालेर अर्को सूचना जारी नभएसम्मको लागि बैठक स्थगित गरेका हुन् ।
संसद सचिवालयका प्रवक्ता एकराम गिरी संसद बैठक बस्न सक्ने अवस्था समेत नरहेको बताउँछन् । प्रदर्शनकारीले संसद भवनमा आगो लगाएपछि जलेर ध्वस्त भएको छ ।
‘अहिले बैठक अर्को सूचना जारी नभएसम्मका लागि स्थगित गरिएको सूचना प्रकाशन भएको छ । बैठक बस्न सक्ने स्थिति पनि छैन’ प्रवक्ता गिरिले भनेका छन् ।
प्रकाशित मिति: २५ भाद्र २०८२, बुधबार
प्रतिक्रिया