काठमाडौं । त्रिभुवन अन्तर्राष्ट्रिय विमानस्थलले हालको असहज परिस्थितिलाई मध्यनजर गर्दै ‘भिआइपी’ सुविधा अस्थायी रूपमा बन्द गरेको छ।
विमानस्थल कार्यालयले यात्रु आवतजावत कक्षमा सूचना टाँस्दै सबै यात्रुलाई सामान्य च्यानलमार्फत यात्रा गर्न अनुरोध गरेको छ।
महाप्रबन्धक हंशराज पाण्डेका अनुसार, ‘सुरक्षा र व्यवस्थापन कठिन भएकाले काठमाडौंसहित अन्य सहरमा रोकिएका सामान्य यात्रुलाई प्राथमिकता दिँदै गन्तव्यसम्म पुर्याउन भिआइपी कक्ष बन्द गरिएको हो।’
उनले थपे, ‘स्थिति सामान्य नहुन्जेलसम्म सबै यात्रुले नियमित रुटमार्फत प्रस्थान र आवागमन गर्नुपर्नेछ।’
प्रकाशित मिति: २६ भाद्र २०८२, बिहिबार
प्रतिक्रिया