काठमाडौं । राष्ट्रपति रामचन्द्र पौडेलसँग छलफल पछि प्रधानसेनापति अशोकराज सिग्देल राष्ट्रपति भवन शीतल निवासबाट बाहिरिएका छन्।
सिग्देलले राष्ट्रपति पौडेलसँग करिब आधा घण्टा लामो छलफल गरेका थिए। छलफलको विषय आधिकारिक रूपमा सार्वजनिक गरिएको छैन, तर पछिल्ला राजनीतिक घटनाक्रम अनुसार कसरी अघि बढ्ने भन्नेबारे कुराकानी भएको बुझिएको छ।
आजै जेन–जेड आन्दोलनका मागअनुसार प्रधानमन्त्रीको रूपमा अघि सिफारिस भएकी पूर्वप्रधानन्यायाधीश सुशीला कार्की नेतृत्वको टोलीले पनि राष्ट्रपतिसँग छलफल गर्ने कार्यक्रम तय भएको छ।
प्रकाशित मिति: २७ भाद्र २०८२, शुक्रबार
प्रतिक्रिया