काठमाडौं । नेपाली कांग्रेसका नेता राजेन्द्र बजगाईंले पार्टीलाई नयाँ ऊर्जा र दिशासहित पुनर्गठन गर्न आवश्यक रहेको बताएका छन्।
सामाजिक सञ्जालमार्फत जारी गरेको सन्देशमा उनले उल्लेख गरेका छन्, ‘अब कांग्रेसलाई पुनर्गठन गर्नै पर्छ, तर वर्तमान निर्वाचन प्रणालीले पार्टीलाई पूर्ण रूपमा नवीकरण गर्न पर्याप्त छैन।’
बजगाईंका अनुसार नयाँ उदाउने पार्टीहरूमा काँग्रेसबाट अलग भएका युवा संख्यामा धेरै छन्, तर उनीहरूमा स्पष्ट राष्ट्रनिर्माणको दृष्टिकोण अभाव रहेको छ।
उनले थपे, “संसद्मा गठबन्धनको संख्यात्मक लाभ, निर्वाचन क्षेत्रमा व्यक्तिगत नेताको प्रभाव र प्रतिस्पर्धी दलसँग भइरहेको अनैतिक सहकार्यले समर्थकहरूलाई निरन्तर विकर्षित बनाइरहेको छ।”
त्यसैले बजगाईंले पार्टीलाई पछिल्ला गठबन्धनहरू तोड्दै, राष्ट्रनिर्माणमा केन्द्रित नयाँ रणनीति अपनाउन र दीर्घकालीन दृष्टिकोणमा अघि बढ्न आग्रह गरेका छन्।
प्रकाशित मिति: २८ भाद्र २०८२, शनिबार
प्रतिक्रिया