काठमाडौं । चिनियाँ विदेश मन्त्रालयले नेपालकी नवनियुक्त अन्तरिम प्रधानमन्त्री सुशीला कार्कीलाई बधाई ज्ञापन गरेको छ।
आइतबार जारी वक्तव्यमा मन्त्रालयका प्रवक्ताले कार्कीलाई प्रधानमन्त्री नियुक्त भएको अवसरमा शुभकामना दिँदै चीन र नेपालको सम्बन्ध ऐतिहासिक मैत्रीपूर्ण आधारमा टेकेको स्मरण गराएका छन्।
वक्तव्यमा भनिएको छ, ‘नेपालको अन्तरिम सरकारको नेतृत्व ग्रहण गर्नुभएकोमा सुश्री सुशीला कार्कीलाई हार्दिक बधाई छ। चीन र नेपालबीचको मित्रता पुरानो, दिगो र ऐतिहासिक हो।’
चीनले नेपाली जनताले स्वतन्त्र रूपमा रोजेको विकासको मार्गप्रति सम्मान प्रकट गर्दै आगामी दिनमा दुवै मुलुकबीच सहयोग र साझेदारी अझ बलियो बनाउन प्रतिबद्धता जनाएको छ।
‘हामी नेपालसँग मिलेर पञ्चशीलका सिद्धान्तलाई प्रवर्द्धन गर्ने, विभिन्न क्षेत्रमा आदानप्रदान र सहकार्य सुदृढ पार्ने र द्विपक्षीय सम्बन्धलाई नयाँ उचाइमा पु¥याउने लक्ष्य राख्छौं,’ वक्तव्यमा उल्लेख छ।
प्रकाशित मिति: २९ भाद्र २०८२, आइतबार
प्रतिक्रिया