काठमाडौं । नवनियुक्त मन्त्री कुलमान घिसिङले पदभार ग्रहण गर्नुअघि जनआन्दोलनका घाइतेहरूसँग भेटघाट र क्षतिग्रस्त संरचनाको अवलोकन गर्ने कार्यक्रम तय गरेका छन्।
राष्ट्रपति कार्यालयमा केहीबेरमै शपथ ग्रहण गर्न लागेका घिसिङले सपथपछि प्रत्यक्ष जनसम्पर्कमा जाने तयारी गरेका हुन्।
उनको सचिवालयका अनुसार घिसिङले त्रिभुवन विश्वविद्यालय शिक्षण अस्पताल, महाराजगञ्ज पुगेर घाइते र उनीहरूका आफन्तसँग भेट्नेछन्। सो अवसरमा उनले आन्दोलनमा ज्यान गुमाएका युवाप्रति श्रद्धाञ्जली अर्पण गर्ने कार्यक्रम पनि रहेको छ।
यसपछि उनले आफ्नो मन्त्रालय मातहतका भौतिक संरचनामा भएको क्षतिको स्थलगत अवलोकन गर्नेछन्। अन्तरिम मन्त्रिपरिषद्मा घिसिङलाई ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकास मन्त्रालयको जिम्मेवारी दिइएको छ।
प्रकाशित मिति: ३० भाद्र २०८२, सोमबार
प्रतिक्रिया