पोखरा । राष्ट्रिय स्वतन्त्र पार्टी (रास्वपा)ले जेन–जी आन्दोलनका क्रममा भएको तोडफोड तथा आगजनीमा संलग्न ठहर गरी दुई वडा सभापतिलाई निलम्बन गरेको छ।
गण्डकी प्रदेशका अनुशासन आयोग प्रमुख योगेन्द्र केसीले विज्ञप्तिमार्फत जानकारी दिनुहुँदै कास्कीको मादी–६ का वडा सभापति भोजराज पौडेल र पोखरा–१० का वडा सभापति चन्द्रबहादुर थापालाई निलम्बन गरिएको बताए।
रास्वपाका अनुसार, उनीहरूले गरेको गलत गतिविधि सामाजिक सञ्जालमा सार्वजनिक भएको छ र अर्को निर्णय नभएसम्म तिनलाई निलम्बनमा राखिएको हो।
प्रकाशित मिति: ३० भाद्र २०८२, सोमबार
प्रतिक्रिया