काठमाडौं । सुशीला कार्की नेतृत्वको अन्तरिम सरकारले आफ्नो पहिलो मन्त्रिपरिषद् बैठक सुरु गरेको छ। सोमबार सिंहदरबारमा बसेको बैठकलाई सरकार गठनपछिको औपचारिक प्रारम्भिक कार्यवाहीका रूपमा हेरिएको छ।
जेन–जी आन्दोलनको चापमा केपी शर्मा ओली नेतृत्वको सरकार पदच्युत भएपछि कार्कीको नेतृत्वमा अन्तरिम सरकार बनेको हो।
कार्की सरकारमा अर्थ मन्त्रालयको जिम्मेवारी पूर्वसचिव रामेश्वर खनालले सम्हालेका छन्। गृहमन्त्रीमा ओमप्रकाश अर्याल र ऊर्जा मन्त्रीमा कुलमान घिसिङ नियुक्त भएका छन्।
अर्याललाई गृहसँगै कानुन मन्त्रालय र घिसिङलाई ऊर्जा मन्त्रालयसँगै भौतिक पूर्वाधार तथा शहरी विकास मन्त्रालयको जिम्मेवारी समेत दिइएको छ।
प्रकाशित मिति: ३० भाद्र २०८२, सोमबार
प्रतिक्रिया